Америкийн алдарт блоггер, шоу бизнесийн тоймч Пэрез Хилтон эрүүл мэндийн байдлынхаа талаар санаа зовоосон мэдээлэл өгч, яаралтай мэс засалд орох болсноо мэдэгдлээ. Тэрээр өөрийн цахим хуудсандаа 21 хоног эмнэлэгт хэвтсэний дараа ийнхүү мэдэгдсэн байна.
Пэрез Хилтон нь шоу бизнесийн ертөнцөд хүчтэй нөлөөтэй, олон жилийн турш алдартнуудын амьдралыг судалж, шүүмжилж ирсэн нэгэн билээ. Түүний блог нь эхэн үедээ дуулиан шуугиантай мэдээллээрээ алдартай байсан бол сүүлийн жилүүдэд илүү эерэг, гэр бүлийн амьдралд чиглэсэн контент бүтээдэг болсон.
Тэрээр өөрийн Инстаграм хуудсандаа "Надад яаралтай мэс засал хэрэгтэй байна. Би маш их айж байна. Миний төлөө залбирч өгөөрэй" гэж бичжээ. Хилтоны ямар төрлийн мэс засал хийлгэх гэж байгаа талаар тодорхой мэдээлэл гараагүй байгаа бөгөөд түүний фэнүүд болон хамтран ажиллагсад нь түүнд эрүүл энхийг хүсч, хурдан эдгэрэхийг ерөөж байна.
Пэрез Хилтоны эрүүл мэндийн талаарх дэлгэрэнгүй мэдээллийг бид цаг тухайд нь хүргэх болно.
