Америкийн жүжигчин Наташа Лион өөрийг нь онгоцноос буулгасан тухай мэдээлэл олон нийтийн сүлжээгээр тархаад байгаа билээ. Энэ талаар тэрээр өөрийн Twitter хуудсандаа хариу бичжээ.
Тэрээр жиргээндээ “Өчигдөр Дрю Бэрримортай шударгаар ярилцахыг тэсэн ядан хүлээж байсан ч, энэ нь боломжгүй болсон бололтой” гэж бичсэн байна. Дрю Бэрримор бол Америкийн алдартай жүжигчин, телевизийн хөтлөгч бөгөөд өөрийн нэртэй ток шоутай билээ. Наташа Лионы хувьд “Orange Is the New Black”, “Russian Doll” зэрэг цуврал кинонуудаараа үзэгчдийн танил болсон юм.
Онгоцноос буулгагдсан шалтгааныг тодорхойгүй байгаа ч, зарим эх сурвалжийн мэдээлснээр тэрээр согтууруулах ундаа хэтрүүлэн хэрэглэсэнтэй холбоотой байж магадгүй аж. Энэхүү мэдээлэл олон нийтийн анхаарлыг ихэд татаж, олон янзын таамаг дэвшүүлээд байна. Наташа Лионы зүгээс албан ёсны тайлбар хийгээгүй байгаа бөгөөд энэ талаарх мэдээллийг бид үргэлжлүүлэн хүргэх болно.
