Австралийн хөгжим сонирхогч залуус FISHER хэмээх дижэй, продюсерын зохион байгуулах гэж байсан Out 2 Lunch хөгжмийн наадмыг тэсэн ядан хүлээж байсан ч харамсалтай нь наадам цуцлагдсан тухай мэдээлэл цацагдлаа.
FISHER гэж хэн бэ гэхээр, тэрээр Австрали гаралтай, дэлхий дахинд нэрээ гаргасан хаус хөгжмийн дижэй бөгөөд “Losing It” хэмээх хит дуугаараа олонд танигдсан нэгэн юм. Түүний зохион байгуулдаг Out 2 Lunch хөгжмийн наадам нь Австралийн хэд хэдэн хотоор аялан тоглолт хийхээр төлөвлөгдөж байсан бөгөөд маш олон залуус энэ наадмыг үзэхийг хүсч байсан юм.
Наадмыг зохион байгуулагчдын зүгээс гаргасан мэдэгдэлд Австрали даяар амьжиргааны өртөг нэмэгдэж, инфляци өсч байгаа нь хүмүүст эдийн засгийн дарамт учруулж байгаа тул наадмыг цуцлахаас өөр аргагүйд хүрсэн гэжээ. Өөрөөр хэлбэл, залуус хөгжилдөх мөнгөгүй болсон гэсэн үг.
Энэ мэдээ Австралийн залуусыг ихэд гонсойлгож байгаа бөгөөд тэд цахим орчинд харамсалтай байгаагаа илэрхийлж байна. Гэсэн хэдий ч, зохион байгуулагчид наадмыг ирээдүйд дахин зохион байгуулах боломжтой гэдэгт итгэлтэй байгаагаа илэрхийлсэн байна.
